संजय राऊतांचा खोचक टोला

मुंबई. (ए). शिवसेना (उ.बा.ठा.) पक्षाचे खासदार संजय राऊत यांनी भाजपाला खोचक टोला लगावला आहे. आता भाजपा श्रीरामालाच निवडणुकीसाठी उमेदवारी देईल, असे राऊत म्हणाले. अयोध्येतील राम जन्मभूमी मंदिराच्या उद्घाटनाच्या निमंत्रणावरील चर्चेवर प्रतिक्रिया देताना माध्यमांशी बोलताना राऊत यांनी सांगितले, रामाच्या नावाने इतके राजकारण सुरू आहे की, आता फक्त एकच गोष्टी शिल्लक राहिली आहे ती म्हणजे भाजपा 22 जानेवारीला निवडणुकीत आपला उमेदवार म्हणून श्रीरामाच्या नावाचीच घोषणा करेल.

 दरम्यान, उद्धव ठाकरेंना आणि शरद पवारांना राम मंदिराच्या उद्घाटन - सोहळ्यासाठी राम जन्मभूमी ट्रस्टकडून निमंत्रण देण्यात आलेले नाही. हा भाजपाच्या राजकारणाचा भाग असल्याचा आरोप संजय राऊत यांनी केला आहे. तसेच बाबरी मशीद पाडली तेव्हा त्याची जबाबदारी शिवसेनाप्रमुख बाळासाहेब ठाकरेंनी घेतली होती तर भाजपावाल्यांनी हातवर केले होते, असा आरोपही राऊत सातत्याने भाजपावर करत आहेत.